اولیااللہ کے راستہ پر چلنے کی ضرورت،

ورنگل میں گیارھویں شریف کے جلسہ سے خسروپاشاہ کا خطاب
مرکزی جھنڈاکمیٹی منڈی بازار ورنگل کی جانب سے ہر سال کی طرح امسال بھی یوم حضرت غوث اعظم دستگیر ؒ کا انعقاد عمل میں آیا۔ جس میں مہمانان خصوصی کی حیثیت سے حضرت سید شاہ غلام افضل بیابانی المعروف خسروپاشاہ سجادہ نشین درگاہ قاضی پیٹھ، حضرت سید شاہ مصطفی قادری المعروف کمال پاشاہ نے شرکت کی۔ مرکزی جھنڈا کمیٹی منڈی بازار کے خادم سید سعید انکوش بھائی نے مہمانوں کا استقبال کیا۔ فجر کے بعد طعام کا خصوصی اہتمام کیا گیا تھا۔بعد نماز مغرب جلوس نشان مبارک کا اہتمام کیا گیا۔ بعد عشاء محفل نعت و نعتیہ مشاعرہ کا انعقاد عمل



میں آیا۔ جس کی نظامت ڈاکٹر عزیز سلیمی نے کی۔ مولانا صدیق معصوم نے فیضان اولیاء پر مخاطب کیا۔ رات دس بجے سے محفل سماع کا انعقاد عمل میں آیا۔ کاشف ہمنواء حیدرآبادی نے نعتیہ کلام، منقبتی کلام رات دیر گئے تک پیش کرتے رہے۔ اس موقع پر مولانا خسروپاشاہ نے مخاطب کرتے ہوئے کہا کہ اولیائے کے دامن کو مضبوطی تھامے رہیں اور انکے بتائے ہوئے راستہ کو اپنائیں۔ اللہ اور اسکے رسول کی تعلیمات پرچلنے سے ہی اولیاء اللہ اپنی زندگی کو تقواگذار بنایا تھا۔ حضرت غوث اعظم کی تعلیمات سے ہمیں خدا اور اسکے رسول سے محبت کا اندازہ ہوتا ہے۔ اس موقع پر سید سعید انکشاف چشتی قادری نیازی نے مہمانوں گلپوشی کی۔